Mir si zwe Luusbuebe u schteue üs mau vor: I, dr Wiss Schäfer, bi dr “Regalwise Lester-Yukon” (tönt scho mau fürnähm…) aber gueti Fründe säge mir eifach Yuki! Mis Froueli seit mir de scho mau, dass ig e Sürmu bi, aber si meint das natürlech nume im guete! Gebore bi ig am 18.11.01 in Amerika, genauer in Washington, u ha aus ganz chlises Butzeli (10 Wuche aut) di längi Reis uf mi gno! Bi aber stouz, jitz e richtige Schwitzer z sy. Natürlech ga ig zur Irène i d Hundeschueu viu Sache ga lehre, nimes haut chli gmüetlecher aus mi bescht Fründ dr Kim. Aber i blibe am Ball…! Ig bi dr “Kim” e Beugische Schäfer (Malinois), gebore am 20.3.03 im Thurgou. Bi viu dr läbhafter aus dr Yuki, somit haute ig ihn u mis Froueli ganz schön uf Trab. I ha eifach gärn, wei ig mues schtudiere u überlege. Drzue bi ig no extrem verschmüselet. Wünsche aune no e gueti Summerzyt u viu Schpass bi de Prüefige u de Militarys! Yuki, Kim, Froueli Babs u dr Höis (dr Schätzu)
