Jannik

Hallo zäme! I bi der Carro Earl of Chicken u am 6. Juni 1997 z Willisou uf em “Güggeli” aus Golden Retriever uf d Wäut cho. Wenn Mönsche nach minere Rasse frage, seit mis Froueli zwar aube, i sig e Jannik (das isch mi Ruefname), i verschtah das nid ganz, aber ääs wird da äuä sini Gründ ha. Am 21. Ouguscht 1997 bini mit der Nicole – so heisst mis Froueli – s erschte mau zur Frou Irène Hänni-Wyss i d Wäupeschpiugruppe u dä Tag het grad üses ganze Läbe veränderet. D Nicole het mir immer klarer chönne z verschtah gä, was i darf mache u was nid, u i gloube das het mit der Irène irgend e Zämehang? Jedefaus gö mir no hüt zu ihre i d Hundeschueu u lehre immer wider nöii schpannendi Sache! Wenn i grad nid angerwytig beschäftiget wirde, widme ig mi mim grosse Hobby, der Akrobatik: I beherrsche Bürzliböim, Saltos, u o verschideni Fauttechnike. Bi de letschtere verzieht d Nicole aube so komisch s Gsicht u macht mängisch sogar d Ouge zue!? A ja, Prüefige hei mir o scho es paar gmacht: Wasserarbeit 1 und 2 (mit AKZ) und im Obedience si mir o im 2.